kscw

Veranstaltung 

Titel:
Limmattal : VB D3 . 3:1
Wann:
28.10.2017 18.00 h
Kategorie:
Spiele Volleyball Damen-3

Bericht

Äs isch üse zwöit Mätsch ir Saison gsi, da aber dr erscht eher zum vergässe isch gsi si mir ganz ohni Vorurteil u früsch i das Spiu ine gange. Mir hei sofort chönne ds Zepter übernäh und das Spiu diktiere.
Mir hei guet u solid serviert u üsi Anahme si schön füre cho. Obwou das mir doch es ziemlech früsch zämegmischlets Team si het ds Zämespiu super passt und üsi Agriferinne hei mit viu Zug punktet. Limmattal het es schnäus Spiu aber mir hei üs guet chönne apasse und mitspiele. Da mir sogar dütlech besser ids Spiu ine gfunde hei aus Limmattal, heimer chönne ires Tempo sogar no chli steigere.
So hei mir dr erscht Satz nachemene chline Zwüschetöif bi 20 chönne 25:20 für üs entscheide.
 
I nächscht Satz si mir mit der gliche Ufstellung gstartet (Never change a winning team) u hei gad mau es Töif igfahre. Leider isches üs ni glunge dr Schwung vom letschte Satz mit ds zieh. Mir hei agfange Müeh becho bi de Service Annahme und (wies so meischtens louft) grad uf das abe o d Säubstsicherheit i aune andere Belange verlore. Wes mir de mau hei gschaft, die doch sehr schtarche mängisch flatternde Servive vo Limmattal ab ds näh ke Pass Fähler und e solide Agriff ds stang bracht u dermit punktet hei. Hei mir aschliessend e (gfüeuti) Servicefähler Quote vo 50% gha. Was ni hiufrich gsi isch.
U die Beschribig trifft öppe o no uf die andere zwöi Sätz zu, leider. Mir hei es Schlussresultat vo 3:1 müesse akzeptiere.
 
U trotzdem mues i säge das i ni truurig vo däm Mätsch hei bi. Dr erscht Satz het würklech gfägt und o zeigt das mir mit üsem nöie System starch chöi spiele. Am afang vor Saison het ds Zämespiel no nid ganz immer so iiwandfrei klappet und hüt ha I richtig fröid gha, wie mir üs (doch zmingscht mängisch) bling verstande hei. I freue mi scho uf nächscht Samschti!!

 

Basketball Spielplan

Volleyball Spielplan

Resultate